尚點 小籠包.上海麵館 (元州商場) (已結業)

小時候一家人常常會去食上海菜！！所以對我嚟講上海菜等同回憶幸福菜！！今日去到長沙灣尚點回憶一番！！一家四口坐低叫左糖醋魚塊，四式拼盤-燻魚、素鵝、烤麩同鷄絲粉皮，排骨担担麵(少辣),燻蛋，仲有金網生煎鍋貼！！糖醋魚塊酸酸地，幾好味！！燻魚太多骨！！素鵝好正！！又熱又脆！！烤麩，鷄絲粉皮同燻蛋一般啦！！無乜特別！！担担麵湯底好濃！！少少辣！！超惹味！！D麵QQ彈口！！最正係金網生煎鍋貼！！外型殺晒！！無得輸！！又香脆！！又好味！！呢個係美好嘅回憶！！