影片
更多
2020-11-16
222 浏览
手工煎餃洋蔥豬肉餃拼菠菜豬肉餃煎餃新鮮即叫即煎,上枱既時候充分感受到煎餃既熱力同陣陣香味.餃子底均勻地煎成金黃色,見到粒粒受熱而膨脹既氣泡就已經感覺到會好脆.放入口一咬,係口腔間聽到清脆俐落既咔嚓聲,果然同預期中一樣,無令我失望.咬破餃子後滿滿湯汁隨住餃皮溢出,湯汁充滿肉香及蔬菜香甜既味道.尤其係洋蔥豬肉餃,甜味更為突出而且入口比普通蔬菜多左份爽脆感.手工水餃雲耳椰菜豬肉餃拼香菇粟米雞肉水餃同樣有誠意,水餃湯底唔係普通清湯底咁簡單而係新鮮煲既紅蘿蔔瓜湯.食餃子之餘又可以飲晒成碗香甜又足料既湯底.水餃皮入口順滑唔會過厚,但略微欠缺一點煙韌Q彈既口感.香菇粟米雞肉及雲耳椰菜豬肉餃同樣清新香甜,雲耳餃相對較粟米餃多份爽口感.味道就粟米餃既甜味較突出但兩者同樣美味.是日飯團以珍珠米拌以牛旁及肉末粒握成熱飯團,簡單美味.珍珠米粒粒分明充滿Q彈感,中間帶點微黏感將米粒結合起來.牛旁及肉末粒加上醬油炒香令飯團更香又唔單調.秘製炸雞翼雞翼十分厚肉而且外層炸得香脆又唔油膩.外層雞翼經自家醃製後味道充滿南乳既鹹香感.內裏雞翼咬開唔會炸得過火導致過乾,雞肉仍然嫩滑帶有肉汁.日式手作芝士蛋糕用近其好受歡迎既B
洋蔥豬肉餃拼菠菜豬肉餃
煎餃新鮮即叫即煎,上枱既時候充分感受到煎餃既熱力同陣陣香味.餃子底均勻地煎成金黃色,見到粒粒受熱而膨脹既氣泡就已經感覺到會好脆.放入口一咬,係口腔間聽到清脆俐落既咔嚓聲,果然同預期中一樣,無令我失望.咬破餃子後滿滿湯汁隨住餃皮溢出,湯汁充滿肉香及蔬菜香甜既味道.尤其係洋蔥豬肉餃,甜味更為突出而且入口比普通蔬菜多左份爽脆感.
手工水餃
雲耳椰菜豬肉餃拼香菇粟米雞肉
水餃同樣有誠意,水餃湯底唔係普通清湯底咁簡單而係新鮮煲既紅蘿蔔瓜湯.食餃子之餘又可以飲晒成碗香甜又足料既湯底.水餃皮入口順滑唔會過厚,但略微欠缺一點煙韌Q彈既口感.香菇粟米雞肉及雲耳椰菜豬肉餃同樣清新香甜,雲耳餃相對較粟米餃多份爽口感.味道就粟米餃既甜味較突出但兩者同樣美味.
是日飯團
以珍珠米拌以牛旁及肉末粒握成熱飯團,簡單美味.珍珠米粒粒分明充滿Q彈感,中間帶點微黏感將米粒結合起來.牛旁及肉末粒加上醬油炒香令飯團更香又唔單調.
秘製炸雞翼
雞翼十分厚肉而且外層炸得香脆又唔油膩.外層雞翼經自家醃製後味道充滿南乳既鹹香感.內裏雞翼咬開唔會炸得過火導致過乾,雞肉仍然嫩滑帶有肉汁.
日式手作芝士蛋糕
用近其好受歡迎既Basque Burnt Cheesecake熱潮自家製作.面層同外層芝士蛋糕刻意烘燶變成焦黑色但入口卻沒有丁點焦味,反而帶出醇香既日式忌廉芝士香.雖然中間唔係流心果款做法但芝士蛋糕入口軟綿順滑.中間唔會食到一粒粒既結塊唔會粗糙.忌廉芝士味道香甜得黎又唔會過份甜膩,甜度拿捏得啱啱好.
日式焦糖布甸
布甸既雞蛋香好濃郁,入口陣陣蛋香及牛奶味.入口十分細嫩幼滑,放入口直滑到喉嚨內.底下焦糖香甜又帶微焦香味,配上濃濃蛋香既布甸令整體風味更突出.
张贴
