越發地道河內料理

营业中

休息中

呢間舖，由睇住佢無乜人知無乜人識，自從有報章雜誌寫完鱔稿，而家日日都有人排隊....。嘢食以前本身唔錯，牛柳河，豬扒蛋角飯，法式越南三文治，奧巴馬粉，蟹朦，蝦米紙卷等等等等.....。但好明顯開始回緊塘，老細由開頭殷勤招待...而家就淨係希望你食完快啲走，唔好阻住做生意。 以前老細會好細心介紹食物，而家睬你都有味。好多要等得耐嘅嘢食，例如蟹朦，星期一至五已經係無得叫。叫豬肉卷/春卷，三文治果類，經常話無。一係就同你講要等好耐，不如食第二啲，最好個個都叫粉，快靚正....唔洗阻住佢。叫外賣又問你要叫幾多嘢，叫多兩碗粉又話等好耐，又係叫你唔好叫咁多......都係果句...阻住佢做生意，翻枱.....。豬肉卷/春卷比以前油淋淋；蛋角豬扒飯塊豬扒又成日好乾，炸過龍，蛋角份量又少；牛油雞翼粉好厚，無乜興趣再叫....。整體質素係下降緊......以前本身好有誠意嘅小店，而家已經開始唔得.....。