蟹點

营业中

休息中

早排同同事食過海怡半島站嘅「蟹點」後, 一直回味呢度嘅胡椒蟹, 趁今日媽咪生日, 同佢去完海洋公園就順道去「蟹點」食埋dinner。估唔到平日晚餐廳都幾旺, 坐滿8成座位, 非常熱鬧。除了室內, 仲有少量戶外座位。食物款式選擇多, 分別有中菜、泰菜, 只係揀野食都要花點時間。【招牌白胡椒蟹】HK$628大大隻肉蟹放於鐵板上熱辣辣滋滋聲上檯, 侍應即席加入白胡椒茨汁, 散發著濃郁白胡椒香氣。蟹膏味道甘香, 蟹爪被拖過油, 鎖住了肉汁, 蟹肉鮮味十足, 配上白胡椒汁, 辣辣地好惹味, 蟹鉗仲好大隻好厚肉, 值得一試。【豉汁蒸白鱔】HK$148鱔肉彈牙爽身, 豉汁令整體味道更提鮮。【炸乳鴿】HK$68/隻炸乳鴿外皮雖算不上香脆, 但不會過於油, 而且很入味, keep到肉汁, 唔需要額外再調味, 都很不錯。