漢陽苑韓國料理 (已結業)

漢陽苑，曾經有好多分店，曾經係好多人食韓國燒烤及放題的回憶，而家得番一間，的確覺得好可惜！朋友一講想去食韓國燒烤任食，我即想起呢間，Book 左位唔洗等！店內環境幾舒服干淨，位置之間有空間感，方便出入攞野食，唔似其他韓式店，伸手可以摸到隔離台！熟食、小食、燒烤類及甜品分類得好清晰明確。我地第一時間去攞燒烤肉類，選擇好多：牛排、肥牛、雞排、豬排、牛柳粒、五花腩、雞翼等，應有盡有！我地好貪心，攞左好多肉！大力推薦鮮蝦、薄牛排、金菇肥牛、牛柳粒！熟食都好吸引！最愛炒蜆&咖哩炒蟹！我太大食，一整碟咁食，足足食左各三碟！真係停唔到口！蜆好新鮮，調味料好足，獲氣夠，炒得好香口！咖哩蟹大部分都好新鮮，咖哩味好正！再加埋有蛋一齊炒，又香又入味！大大愛！三文魚刺身一上菜就清得好快，我攞左一碟，估佢唔到咁新鮮！可惜refill 太慢，等唔到第二轉！甜品都好多！我鐘意食蕃薯糖水，好媽咪feel! 芒果布丁粒、啫哩都好食！總結，我地一定回左本，因為食左好多海鮮類！漢陽苑的通風真係值得一讚啊！食完都冇一身臭味，比起其他韓式燒烤店條煙通....漢陽苑勝！