冰庫 (已結業)

係之前嘅韓國之旅不停食冰…上了瘾！難得同友人叙舊，飯後嚟個甜品，所以就試左韓國街哩間由韓國人開嘅冰店.由於每人最低消費$30..所以叫左一個冰同多士。睇住相片，咖啡刨冰($52)最吸引 ，所以叫左。個冰無係韓國食嘅咁細，但都可以接受。球雪糕好香咖啡味，冰淋滿咖啡汁，冰仲會有d葵瓜子粒。雖然食唔返係韓國嘅咁好味，但想一嘗韓國味道嘅冰，可以一試。哩到做到韓國味，同平時食開嘅綿花冰係不同感覺！另外叫左個烘烤豆蓉粘糕($35)。 佢只係焗過嘅toast中間夾住好似年糕咁嘅野，麪包面灑上豆粉同鍊奶。韓國都好多店賣哩款食物。可惜佢直係唔值咁嘅價，如果廿蚊以下都會考慮再食嘅。佢只係韓版嘅奶油奶醬多。全店都係由識英文嘅韓國人打理。入面好細，得十幾個位，好彩早到就唔洗等，食完門口已經有成十幾人等緊。