吉列牛忌廉烏冬專門店 (百樂中心) (已結業)

今次兩個朋友介紹食呢間吉列牛餐廳，其實佢好多選擇嘅。今次我食咗佢個吉列牛定食，我朋友就食咗個咖喱忌廉牛肉烏冬。吉列牛真係無得輸！因為佢其實炸咗個面跟住中間嗰啲係生嘅，佢會俾個好迷你嘅鐵板爐你即刻喺自己張枱度燒，燒完之後即刻食。同埋佢個飯係用珍珠米嘅，所以配搭得好好！另外佢忌廉咖喱牛肉烏冬，佢嗰啲cream打得好滑，而且啲烏冬份量都好夠，仲有跟住我哋想食多啲，叫咗個小食，係炸雞軟骨餃子，呢個幾特別，可以一試！