稻八日式火鍋炸物放題 (已結業)

約左朋友係荃灣食飯，大家上網搵左一輪之後就決定來呢一間餐廳食野，貪佢咩都有得食。一嚟到就即刻揀咗湯底先，基本湯底都有七八款揀，朋友想試新野嗰款龍蝦湯底，就加左＄88試下。原來係原隻龍蝦做湯底，真係第一次試，味道又不錯，好夠鮮味，全程都不需要點豉油，食物都已經夠味，而且又有龍蝦食，真係抵食。首先我哋拎咗小食醫下肚食，有八爪魚螺肉中華沙律。之後再即刻試吓佢哋嘅天婦羅炸機，我哋整咗天婦羅蝦，秋葵，雞肉腸，芝士丸，好好玩，大家都整唔停手，味道都不錯。我哋揀咗個安格斯牛小排＄238嘅set，當中有美國牛肉，美國豬肉，日本雞肉和羊肉，還可以選擇刺身。係啲肉未黎之前，我哋點左刺身，刺身非常新鮮，而且有我最鍾意嘅油甘魚和三文魚。肉類當中，牛肉係最好食嘅，牛肉味重，唔乾身，牛小排最吸引我哋，真係食唔停口，反而雞肉有少許失望，好鞋而且乾身，羊肉都夠羶味。食完個幾盤肉，我同朋友都飽左八成，餐廳其他火鍋配料都選擇都不少，奈何我同朋友嘅戰鬥力不太高，所以淨係試咗部份嘅丸。甜品方面，我哋試咗雪糕，鍾意芒果帶少少酸味，而且食到芒果粒。原來餐廳主打夜晚到凌晨，個人幾喜歡佢哋嘅格局，夠光猛，而且空間感足夠。