秘 (偉晴街) (已搬遷) 新店位置

呢間餐廳位置方便，係柯士甸站行4,5分鐘就到。鋪面裝修偏工業風。我地大概7點幾去到，鋪頭入面都已經有唔少客人。我同朋友各點左個板燒吉列牛餐同浦燒原條鰻魚飯。板燒吉列牛餐 - 個set有吉列牛、溏心蛋、湯、飯。吉列牛的份量十足，油脂分佈均勻，肉質細嫩夠juicy，炸粉唔會過厚，外脆內嫩。隨餐有個小石爐，可以因應自己喜好調教牛肉的熟度。溏心蛋黃晶瑩剔透，蛋白軟嫩，蛋味十足。浦燒原條鰻魚飯 - 鰻魚油脂豐富，香味滿溢，肉身夠厚，唔會嚡口，魚皮有點焦香，帶點膠質又煙韌。珍珠米香足，爽口夠彈性，有米香，灑上飯素同魚汁，味道一流。