漁屋日本料理 (荃新天地2) (已結業)

今天早左放工，同老婆食晚餐放題，今日就去荃灣食漁屋日本料理放題，店舖地方都幾大，座位寬敞舒適，食物仲好豐富！點餐紙有甜品、飲品、冷盤、熟食、刺身等，任飲任食，非常豐富！刺身拼盤：每次都用冰底墊住，保持刺身低温，Keep住新鮮度，刺身新鮮而且是厚切，所以口感非常好，三文魚、吞拿魚、甜蝦、長腳蟹等等。燒物都好好味，我地叫左鹽燒海蝦，入味嫩滑，十分惹味！火炙壽司也做得好，壽司飯調較醋味和軟硬都適中，三文魚腩經過火炙後，味道更提升，美味極了！芝麻雞翼皮脆肉嫩好入味，加上有芝麻，香味更濃更香口。甜品有好多款，我最愛的是牛乳奶凍和芒果布丁，韓國雪條也有多種口味，我喜愛的椰子味和蜜瓜味，還有很多食品未能食到，因為我們已好飽了，期待下次再來食過。