陳記魚蛋 (已結業)

街邊小食檔買少見少，揾到適合自己口味既咖喱魚蛋就更加難上加難，一來魚蛋要有口感，唔可以太軟，而且經過長時間烹煮後需要保持彈牙口感。另外用到咖喱既醬汁都非常講究，我個人比較喜愛偏甜而微辣，又濃稠既咖喱汁。今日經過紅磡非常有名既陳仔魚蛋，剛剛係下午茶時間又見無咩人，就買左一碗咖喱魚蛋面填下肚。一咬落去非常有驚喜呀！不但魚蛋軟得黎仲保持一定咬口，而且醬汁完全係我摯愛！出左咖喱既辣味之外仲食得出裏面加左好多香料，味道甜甜地，而佢分別有小小辣、小辣、中辣同大辣，我唔算食得好辣就揀左小辣，我覺得辣度剛剛好，如果食得辣既朋友可以試下大辣哈哈！