一喜燒 (已結業)

早幾日同事同我講福華街有間串燒店好掂，所以心思思想同男朋友試🤭於是乎襯Happy Friday就book咗夜宵順便飲酒chill吓🍻汁燒魷魚鬚厚肉彈脆。燒翠玉瓜鮮甜juicy💦燒羊小腸同燒雞腎串都燒得恰好有嚼勁，少少鹽同七味粉，伴酒一流！生燒活鮑魚上枱時仲有少許停蠕動作反應，十分生猛。世一燒羊鞍肥油焦酥，油滋滋咁非常誘人！肉質柔嫩，滿口飄香，食完回味無窮🤤招牌重慶酸辣粉同以前返大陸食過嘅味道非常接近！麻辣酸爽，濃香醒胃，唔會過份油膩。大廚秘製麻辣鳳爪Q彈爽口，秘製辣汁花椒香氣特別明顯🌶️徹底索晒入鳳爪內，食到欲罷不能！燒多春魚魚身飽滿極多春。爆香豬腩串大火高溫燒至金黃酥脆🔥滿佈油花，但其實入口完全不覺膩。肉質肥美爽口，仲有陣陣甘香肉味。燒羊腰串汁水豐腴，搭配風味濃厚嘅孜然辣椒🌶️完美增香提鮮！今餐飲飽食醉超滿足🙆🏻‍♀️食物質素非常之高，尤其海鮮令我喜出望外，同事真係冇介紹錯😝