豬手工房

营业中

休息中

又再一次幫襯呢一間豬手工房啦，呢一間餐廳真係令人非常回味！而且係會令人有掛住嘅感覺，所以今日又同左同事過嚟食飯！如常地一定要食呢一個脆爆德國鹹豬手！呢一個德國鹹豬手真係好好食，我好鍾意呢一度嘅外皮！脆得來唔會有好硬嘅感覺，係鬆脆嘅口感！重點嘅係呢度嘅鹹豬手醃製得啱啱好，一啲都唔會太鹹！建議大家必試嘅菜式！今次我哋重視左一個新嘅菜式，就係呢一個黑松露鵝肝青瓜炒飯！呢一個黑松露炒飯可以話係中式同埋西式嘅完美結合，炒飯炒得粒粒分明，而且黑松露嘅醬汁令到成個炒飯亦都充斥着香味！仲少咗呢一個XO醬辣味蝦碌，好特別嘅菜式， XO醬嘅香味好濃烈，而且呢嗰個蝦亦都好高質，大大隻，咬入去嘅時候爽口彈牙！