澳門九記清湯腩王 (已結業)

值得要我寫一寫嘅餐廳，令我非常回味嘅咖哩，我去過兩次，兩次嘅水準都令我回味咖哩牛腩飯：唔係椰奶嗰種咖哩，香料同薑嘅混合同比例都好好，小小辣加上汁嘅味道濃郁，好似有家蕃茄落去？好香嘅咖哩，起碼好過另外兩間咖哩專門店。牛腩同薯仔都好入味，牛腩都淋。海南雞飯：雞肉嫩滑，不過始終係香港嘅雞，缺乏左雞嘅味道，不過整體都香。不得不提係個醬汁，簡直令到啲雞嘅不足都完全忘記，汁酸酸帶啲辣，清新嘅香味令人回味。至於油飯，味道我覺得可以再調教濃多小小，不過好嘅，係個飯唔會感覺油膩。