黑樺牛 (已結業)

今次係第二次過嚟呢度食和牛啦❤️對和牛真係情有獨鍾啊，油脂分布真係非常靚，入口即溶嘅感覺，真係回味無窮。呢間火鍋店嘅和牛係由日本牧場直送嘅，所以CP值真係超高㗎。湯底方面今次就揀咗限量嘅北海道豆乳玫瑰芝士鍋，佢嘅湯底原本就已經係雪好咗嘅玫瑰花，上面重點綴左一啲花瓣，真係好靚呀，睇住個湯熱左玫瑰花慢慢溶化，淡淡的豆乳芝士香味就滲晒出嚟，真係急不及待要食。值得一提嘅就係今次仲送咗一個蟲草烏雞湯，材料真係好足，燉湯嘅味道真係好濃郁，飲得出係冇落味精，用嚟養顏真係一流。同埋佢哋嘅沙冰都係好特別，佢哋有楊枝甘露同埋哈密瓜沙冰，兩種我都覺得幾好味，上面仲加咗一個雪糕球添，口感大增。重點嚟啦，佢哋嘅牛嘅款式都相當多，個人就會比較鍾意:A5黑樺和牛特上霜降小排A5黑樺和牛牛小排A5黑樺和牛上肩胛肉A5黑樺和牛牛頸脊另外加錢就可以任食牡蠣海鮮拼盤，超新鮮，仲有專人幫你開埋，真係好貼心嘅服務呀。