掌壽司 (已結業)

和朋友去觀塘吃午飯， 離開apm就梗係去工廈搵食。這裏午市刺身，壽司定食吃過返尋味 😋兼且仲有八折。刺身定食$168份量有返咁上下， 油甘魚異常厚切～ 油潤甘香。只吃了數件好像 吃了一碟刺身～ 海膽甘甜唔腥， 赤海蝦肉質甜美， 三文魚近腩位夠肥美！味噌湯有數隻蜆肉 ，好足料，湯夠熱。茶碗蒸蛋非常滑溜～追加了『 日式餃子』， 外皮炸得卜卜脆， 香口惹味小食。👍🥟『柑桔檸檬梳打』非常夠氣， 清涼解渴，夏日首選！還可同時追加品牌雪糕～ 夠曬滿足！