尚點 小籠包.上海菜館 (悅來坊) (已結業)

老朋友剛從澳洲回港探親，入住荃灣悅來坊酒店，今晚正好與朋友聚舊 ，想要一處較為寧靜嘅食肆吃一頓晚餐，經過尚點上海菜館，望落去環境唔錯，地方寬敞，選咗廂坐四人卡位，都有少許私隱度，坐得好舒服，啱晒用餐閒談嘅聚腳點。三小碟餐牌上有成十幾款小食選擇，選咗四季豆，四喜烤麩和夫妻肺片; 而蒜蓉四季豆，炸脆後伴咗少少辣椒粒，幾好味，烤麩索埋啲汁，美味，而夫妻朋片喺牛肚及牛展，肉身唔韌都好惹味，三款餐前小食令人增加食慾。黑松露小籠包外表烏卒卒，千祈唔好俾佢外表嚇怕，咬一口，啲肉汁滲晒入口之餘亦聞到松露嘅香味，點上啲醋再食多一粒，啲餡料肉汁留在口裡，更增加鮮味，尚點嘅黑松露小籠包，絕不欺場，值得推介。冷面有雞絲，青瓜絲，火腿絲及溫泉蛋，賣相得宜，淋上香濃花生醬汁，洒上芝麻，配合枱面花生加埋上去齊吃，天氣熱吃這款冷麵最適合不過，清爽宜入口又唔油膩。花雕醉雞聞到花雕酒香氣味，雞肉尚算嫩滑，食份量都算幾多，唔錯唔錯。賽螃蟹賣相幾靚，乾瑤柱絲洒面又有蝦仁伴上，炒蛋白炒啱啱好，夠嫩滑而唔油膩，這道菜都幾考大廚功夫。高力豆沙高力豆沙即叫即製，外層鬆鬆軟軟，內裡嘅豆沙饀又不算太甜，食落好有口感，喺我嘅至愛甜品。老朋