奈良上釜 (已結業)

得悉銅鑼灣新開左間奈良釜飯，同男友曾經係奈良一食愛上，香港終於有得食，當然要黎回味下！大門裝飾已吸引我眼球，好有日本鳥居既風格叫左個奈良7盛釜飯套餐，先上前菜，有漬物、煮物、冷物，茶碗蒸同刺身，感覺就好似食緊懷石料理禁，的骰得黎款式多樣化冷物係冷豆腐，豆腐香滑，再淋上惹味香口既麻醬，好味😋！茶碗蒸非常有驚喜，配料十足，竟然放了三文魚子、蟹肉，海膽，口感十分多層次，鮮甜香滑，滑溜的蒸蛋吸收鮮味，平凡的茶碗蒸做岀不平凡的水準👍🏻 刺身有三款，每件都幾厚身，用料新鮮，鮮味十足麵豉湯材料豐富，調味也恰到好處，唔會太鹹再黎就當然係食主角七盛釜，材料豐富有松葉蟹肉、海蝦、三文魚子、冬菇、白木菇，鮑魚，聽落都覺得正！一打開蓋，香味撲鼻而來，配料份量十分足料，吃到底有唔小飯焦，飯粒吸入海鮮既鮮味，入口略帶焦香，十分滿足。男友食果個係鰻魚釜飯，釜飯加上適量鰻魚汁煮制, 有點似食緊鰻魚飯，但因為係日式煲仔飯煮法，加左香菇在內, 飯又帶點焦香，比普通鰻魚飯緊香更可口，鰻魚份量都好足, 鰻魚無骨👍🏻正！