B-mix 燒肉餐酒館 (已結業)

好耐都無得去日本，唯有去食和牛燒肉止癢啦。b-mix位置非常適合揸車，對開有錶位，落車行兩步就到。好掛住日本食過嘅和牛燒肉，嚟到當然要點啦，本身2人份$988，套餐會有7折。內容包括沙律一大碗紫菜丼飯兩碗三款刺身三款時令海鮮（當日係魷魚，帶子，鯖魚）一盒蒜蓉菇和牛有5款，個人推薦食序肉眼>牛粒>腹心肉>牛小排/肉眼背峰開頭可以食左肉味重嘅先，最後先食最尾兩款比較重油脂，正所謂好野留最後，嗰種入口即溶滿口油香，令人回味。餐牌上其它食物都有85折，試下燒鮑魚，中火燒落少少豉油大約10零分鐘就得，肉好彈牙唔會韌。整體來說，2個人平均4百左右就可以食到水準以上嘅套餐，第日想燒烤的話值得再食過。