上海弄堂菜肉餛飩 (已結業)

剛過去既星期六下午，同娘親去書展，決定左先去食飯，我地係利景酒店落車，過條馬路就尼到上海弄堂。呢個時間人唔太多，坐得好舒服，我地叫左午市套餐既排骨擔擔麵，紅油抄手，另外加左個豆沙鍋餅。枱面已經放左豆瓣醬同醋，唔洗特登再佢拎。裝修風格好清新，一邊掛左幾幅舊相同海報，一邊就係一大幅既舊黃埔外灘既畫作。樓底之高仲可以掛盞古色古香既吊燈，睇得出花左唔少心思。凍豆漿黃金排骨擔擔麵，擔擔麵有得揀大/中/小辣，我地揀左小辣，但食食吓都幾辣架，黃金排骨炸得幾好食，唔會太油同熱氣。紅油抄手，紅油偏向酸辣，餡料唔會死實，咬落去好爽!食到禁上下，就叫上甜品，員工即刻幫我地收左枱面既食器/墊枱紙，幫我地抹完枱之後，擺返新碟同叉，好貼心既服務。豆沙鍋餅，紅豆餡非常足料，餅皮都煎得岩岩好。