吉豚屋吉列豬扒專門店 (已結業)

十月五日，中秋翌日放假，夜晚又出去搵好野食。去寶琳行下，新都城真係幾多野食，但周圍都好多人排隊，唉真無奈，勁肚餓想快啲搵野食都咁難。不過好彩呢間餐廳雖然都多人，但入面啲食客都算食得快走得快，好快就到我喇。其實呢種感覺都有啲似東京既感覺，大家食完飽肚就走，唔會阻住老闆做生意嘛。入到去餐廳，啲裝潢令我諗起上個月既東京之旅，感覺好似（可能岩岩係東京旅行返來唔係好耐，感覺特別深刻）。呢度啲日本野價錢唔係貴，佢係主打吉列野既，無拉面，如果你唔想食炸野既，呢度都有一款飯揀，就係本小妹揀既薑汁豬扒飯定食。呢碗薑汁豬扒飯，如果唔點啲薑汁，塊豬扒係無味架，應該無醃過，不過點左之後都幾好味，仲有碗面豉湯，先係五十幾蚊成set!好抵食呀！晚餐喎大佬！👍🏻呢個就係番茄蛋豬扒小鍋定食。男友話啲湯好鹹，但整體嚟講都算好好味。晚餐兩個人埋單都只係＄166好抵食啊！