影片
更多
2020-08-28
2042 浏览
今日同老公訓晏左起身決定直接出去食個brunch☺️好耐未試過放縱一下所以搵吓有冇啲咩抵食嘅放題或者任食自助餐跟住搵到呢間點一龍兩位或以上惠顧可以有八五折 都幾抵所以就嚟食啦之前去過尖沙咀嗰間食 味道都唔錯嘅但係嗰次第一次食 畫點心紙嘅時候傻豬豬地以為兩個人就全部都要寫2😂所以所有食物都嚟咗Double份量燒賣蝦餃叉燒包etc全部一嚟就係兩籠😂即係每款六個🤣嗰次之後食到怕咗而家事隔一年有多點心癮又起啦有過上一次嘅經驗除咗食物全部會寫返1之外😆粥粉麵飯我哋全部都唔叫住試勻晒啲點心先首先嚟嘅係每枱附送一客嘅瑞士汁雞翼雞翼好入味 唔會有雪味每人一隻都食得過-瑞士汁雞翼抵食不浪費quota指數:🤩🤩🤩(5個🤩為必食，1個🤩可以慳返唔洗食)之後嚟嘅係奶黃流沙包黑蟹子小籠包晶瑩海蝦餃-奶黃流沙包抵食不浪費quota指數:🤩🤩🤩個包都真係幾流心上枱亦都熱辣辣餡亦都算多 鍾意食奶黃流沙包嘅朋友仔可以叫一籠試吓-黑蟹子小籠包抵食不浪費quota指數:🤩🤩小籠包一夾就穿咗湯汁流晒出嚟雖然個肉同湯都幾鮮味但係蒸嘅時間就過咗龍-晶瑩海蝦餃抵食不浪費quota指數:🤩又係蒸嘅時間出咗問題成塊皮過冧基本上一夾就爛晒
起身決定直接出去食個brunch☺️
好耐未試過放縱一下
所以搵吓有冇啲咩抵食嘅放題
或者任食自助餐
跟住搵到呢間點一龍
兩位或以上惠顧可以有八五折 都幾抵
所以就嚟食啦
之前去過尖沙咀嗰間食 味道都唔錯嘅
但係嗰次第一次食
畫點心紙嘅時候傻豬豬地以為兩個人就全部都要寫2😂
所以所有食物都嚟咗Double份量
燒賣蝦餃叉燒包etc全部一嚟就係兩籠😂
即係每款六個🤣
嗰次之後食到怕咗
而家事隔一年有多
點心癮又起啦
有過上一次嘅經驗除咗食物全部會寫返1之外😆
粥粉麵飯我哋全部都唔叫住
試勻晒啲點心先
首先嚟嘅係每枱附送一客嘅瑞士汁雞翼
雞翼好入味 唔會有雪味
每人一隻都食得過
-
瑞士汁雞翼
抵食不浪費quota指數:🤩🤩🤩
(5個🤩為必食，1個🤩可以慳返唔洗食)
之後嚟嘅係
奶黃流沙包
黑蟹子小籠包
晶瑩海蝦餃
-
奶黃流沙包
抵食不浪費quota指數:🤩🤩🤩
個包都真係幾流心
上枱亦都熱辣辣
餡亦都算多
鍾意食奶黃流沙包嘅朋友仔可以叫一籠試吓
-
黑蟹子小籠包
抵食不浪費quota指數:🤩🤩
小籠包一夾就穿咗
湯汁流晒出嚟
雖然個肉同湯都幾鮮味
但係蒸嘅時間就過咗龍
-
晶瑩海蝦餃
抵食不浪費quota指數:🤩
又係蒸嘅時間出咗問題
成塊皮過冧
基本上一夾就爛晒
雖然個餡啲蝦好彈牙
但係咁樣嘅蝦餃我覺得可以唔洗試
養顏燕窩蛋撻
抵食不浪費quota指數:🤩🤩🤩
撻皮係牛油皮 好香牛油味
個餡都有好重嘅蛋香味
雖然燕窩就食唔出有乜特別啦
但係鍾意食蛋撻嘅朋友仔都應該會鍾意呢一個曲奇皮嘅蛋撻
之後上枱嘅係小黃瓜紅油抄手同埋雪影金腿叉燒包
-
小黃瓜紅油抄手
抵食不浪費quota指數:🤩
呢個唔係紅油抄手嘅味道
有啲酸味 辣油又唔辣
同埋個小黃瓜都唔係青瓜
係腌制嘅嗰啲脆瓜
味道非常奇怪😅
雖然抄手嚿肉又係食得出好新鮮嘅
不過就真係唔需要浪費quota喺一嚿豬肉餡上😂
-
雪影金腿叉燒包
抵食不浪費quota指數:🤩🤩🤩🤩🤩
成個點心放題必食嘅推介！
好食到我encore左1次🙈
個包嘅皮好特別 好鬆化
啲餡又超多
加上個溫度非常足
成個包食落就係好香好鬆軟！
同普通蒸嘅嗰種叉燒包完全唔同
一定要試呀呢個！
之後嚟嘅係豉蒜蒸排骨
同埋杞子鮮蝦燒賣
-
豉蒜蒸排骨
抵食不浪費quota指數:🤩
呢個排骨真係非常之差🤢
喺屋企自己蒸嘅排骨都好食過佢
首先啲肉 基本上我都唔係好食到肉
一入口全部都係肥膏嚟嘅🤮
同埋個汁杰撻撻
完全食唔到豉或者蒜嘅味道
-
杞子鮮蝦燒賣
抵食不浪費quota指數:🤩🤩
又係蒸嘅時間出咗問題
燒賣皮爛晒
雖然豬肉同蝦都好彈牙同鮮味
不過有其他更好選擇就唔需要食佢啦
再嚟係香茜牛肉腸粉
同埋海蝦脆春卷
-
香茜牛肉腸粉
抵食不浪費quota指數:🤩🤩🤩🤩
牛肉腸粉蒸嘅時間啱啱好
而且餡料非常足
唔會出現平時喺外面酒樓食腸粉
頭頭尾尾會變咗齋腸嘅情況
-
海蝦脆春卷
抵食不浪費quota指數:🤩🤩🤩🤩
剛剛新鮮炸起
老公一擺入口爭啲辣親咁滯😂
非常之脆
而且餡料新鮮彈牙
超好食！而且唔會太油
金黃鮮肉鍋貼
抵食不浪費quota指數:🤩🤩🤩
冇乜特別
係一隻餡料好新鮮嘅鍋貼😂
之後加單分別有
生磨芝麻小卷
豉油皇炒腸粉
夏威夷果仁腰果酥
-
生磨芝麻小卷
抵食不浪費quota指數:🤩🤩🤩🤩
非常香芝麻味！
而且口感軟糯
好有細個兒時風味
-
豉油皇炒腸粉
抵食不浪費quota指數:🤩🤩
冇乜特別
我都諗唔到點樣形容😂真係冇乜特別
可以唔使浪費quota係呢碟澱粉質上
-
夏威夷果仁腰果酥
抵食不浪費quota指數:🤩🤩🤩
呢個酥餅都幾好食嘅 好香脆
不過美中不足就係佢係凍嘅
我記得之前喺尖沙咀嗰間食好似係熱上🤨
如果我冇記錯
如果可以整熱佢扮到好似啱啱出爐咁就非常完美啦😛
最後係楊枝甘露
同埋紅棗桂花糕
-
楊枝甘露
抵食不浪費quota指數:🤩🤩🤩🤩
楊枝甘露係老公點嘅
佢食咗一啖就話非常之好食😂
我本身唔係特別好楊枝甘露
但試咗一啖都覺得幾creamy 好足料
老公話呢個都可以係必食之選喎🤣
-
紅棗桂花糕
抵食不浪費quota指數:🤩🤩🤩🤩
桂花糕係我叫嘅
我覺得好食
紅棗味就冇乜
不過好香桂花味 唔會太假
而且個糕嘅口感剛剛好
有咬口得嚟唔會過硬 感覺好清新
比起其他酒樓做得出色好多
-
總括來講所有食材都係好新鮮嘅！
甜點同炸物相對上就比較出色
反而蒸嘅點心就好似冇乜邊款真係整得好
可能因為蒸野係一路慶住嘅緣故
所以好容易就蒸到過晒龍
唔記得講嗰一壺花茶都幾香
仲要唔使另外收茶芥
好飲過其他要收茶錢嘅茶多多聲
仲有汽水任飲 仲要有coke zero可以揀😍
老公表示非常高興！
曾經一度聲稱佢要飲10罐🤣
不過飲咗兩罐就收皮啦🤣🤣🤣
如果你同我嘅食量一樣係咁驚人嘅話😂
呢個點心放題真係非常之容易就回本
你睇吓我哋食咗成18碟野🙈
真係分分鐘去稻香飲茶仲貴過喺呢度食
同埋值得一讚呢度服務都好好
眼見成個場基本上人手真係唔多
應該四個人打晒
但係佢哋收單同出菜同埋收碟嘅速度都非常之快
每擺低一碟食物都會講嗰一碟係咩嚟嘅
真係令我非常之欣賞
睇得出佢哋忙但係都唔會話黑面
態度非常之良好！
下次又想瘋狂食點心嘅時候一定會再嚟😆
张贴
