康記粥店 (已搬遷) 新店位置

因為炸三兩而來，來到先知沒有呢味，於是簡單地來碗艇仔粥，同事無乜心水，點起炸兩同白粥，就咁簡單的中式hi-tea。舖仔細細，朝早來的話不難吃到新鮮的油器，晚來的話，就好似同事件炸兩咁，吃個凍而粉腍的油條，見佢加唔少甜醬同辣醬伴粥吃，打個轉已清碟，看來真的幾肚餓，話時話都好少見到用蝦米腸做的炸兩，幾得意。碗艇仔材料不少，粥底幾綿亦唔多覺有味精，將免牛打散後成碗粥變得豐富起來，平日吃得又濃又膩的菜多，這碗粥品絕對是「間場」時的消滯良品。