珀翠餐廳

父母結婚周年日走去食番餐, 滿懷歡喜, 諗住千幾蚊個套緊好多野食。  個套餐有蟹肉高爾夫球, 蟹肉幾好, 不過很少。  跟住黎個帶子, 有味, 不過係燒到很乾身夾硬逼啲味出黎, 我問個待應邊度黎, 佢好大聲講話北海道。  跟住黎個肉餅之類, 好似中式菜館的肉餅, 個待應話係歐州邊度出產既, 不過大角嘴骨煲皇果個中午餐重好味過佢。  之後最高級主菜來到, 唔之係乜野羊, 好多醬汁, 都幾好味既。  個鵝肝都唔錯。  我阿爸叫果個blue lobster , 就咁steam 熟黎食, 冇滋冇味, 完全同信報劉建威所講好濃味差好遠。  果陣時都未興食黑松露, 見佢個菜牌有呢道菜, 一食之下發覺中伏, 黑松露淡然無味, 唔知點解值成四百五十元一個, 好彩只叫了一個, 不過又唔怪得佢地既, 我在巴黎三星ledoyen 食的黑松露和他們的差不多。  最後甜品都要成兩舊水, 無叫到, 佢送左一少朱古力, 啫喱的甜品.  野食叫做ok, 不至難食, 不過千多元人均太貴。