花月宮 (已結業)

鍾意食火鍋的我，今次來到花月宮真係好有驚喜，呢到除左有海鮮鍋，麻辣鍋，豬骨鍋果d 外， 竟然仲有 “花月宮特色四式鍋”。呢個鍋好勁下集合四款最強湯底，啱哂有選擇困難症的我，最正係總有一款啱你心水⬇️⬇️⬇️🔴 四川麻辣鍋 ～ 夠麻微辣，鍋內有蜂巢豆腐鴨血，越食辣味越出。🟡 藥膳花鵰花膠醉雞鍋 ～ 超足料有四份一隻雞又有花膠，個鍋滾熟d 雞後，忍唔住都試左幾口湯，花鵰味散開，湯夠哂滋補又潤喉， 雞件夠滑。🟤 黑松露野菌鍋 ～ 鍾意食野菌的一定喜歡，因為好多菇，而且每件菇都帶出黑松露的香氣。🟠 蕃茄濃湯海鮮鍋 ～ 鍋內有蜆，有番茄薯仔， 有墨魚仔，有蝦，好鮮甜。✡️ 黃金脆蟮球 ～ 每件蟮球都沾滿咸蛋黃，蟮肉炸到香脆可口，邪惡的野果然最好食。✡️ 美國頂級手切封門柳 ～ 封門柳油膩分佈平均一睇就知有質素喎， 鮮嫩唔韌， 我最愛放入海鮮鍋，因牛同呢個味最夾。✡️ 手打鮮蝦丸 ～ 大大粒入口超彈牙。✡️ 田園拼盤 ～ 四個湯底放唔同蔬菜，吸哂湯的精華。