影片
更多
2018-09-12
1445 浏览
點解我會括住”上海菜”呢?其實因為喺OpenRice嘅description話呢度係話係四川菜，但當我睇到餐牌之後就發現原來呢度都有好多上海菜。呢度比我嘅第一個感覺就係佢個餐牌好大本，有好多菜式選擇，其實我見到好多餸我都好想食，不過因為我哋只係得四個人關係，最後我哋只係點左小籠包，夫妻肺片，水煮魚，乾扁四季豆同埋擔擔面。夫妻肺片：其實我本人係唔食內臟嘅，不過我都係試咗少少牛肚，有少少辣，都幾爽，作為頭盤都幾惹味。小籠包：小籠包我覺得有少少失色，原因係我一夾個小籠包就已經穿咗，啲湯全部掉晒出嚟。雖然個味道唔差，不過礙於個皮穿咗，冇哂d湯嘅關係，我會扣少少分。水煮魚：咩都唔差，不過唔夠辣，可能因為少咗啲花椒嘅關係。雖然個魚好入味，但係啲魚有骨，所以食得唔係咁爽。反而墊底嘅薯粉同芽菜好好味，比個魚更吸引。乾扁四季豆：整體來講唔太差，得嫌啲四季豆淋左少少擔擔麵：味道OK，個麵夠味同夠爽，好食！環境：佢唔似其他Element入邊嘅餐廳咁有格調，唔係行高級路線。坐得有少少迫，不過未到話坐得唔舒服。價錢：喺Element入面黎講，算係抵食！
夫妻肺片：其實我本人係唔食內臟嘅，不過我都係試咗少少牛肚，有少少辣，都幾爽，作為頭盤都幾惹味。
小籠包：小籠包我覺得有少少失色，原因係我一夾個小籠包就已經穿咗，啲湯全部掉晒出嚟。雖然個味道唔差，不過礙於個皮穿咗，冇哂d湯嘅關係，我會扣少少分。
水煮魚：咩都唔差，不過唔夠辣，可能因為少咗啲花椒嘅關係。雖然個魚好入味，但係啲魚有骨，所以食得唔係咁爽。反而墊底嘅薯粉同芽菜好好味，比個魚更吸引。
乾扁四季豆：整體來講唔太差，得嫌啲四季豆淋左少少
擔擔麵：味道OK，個麵夠味同夠爽，好食！
環境：佢唔似其他Element入邊嘅餐廳咁有格調，唔係行高級路線。坐得有少少迫，不過未到話坐得唔舒服。
價錢：喺Element入面黎講，算係抵食！
张贴
