影片
更多
2022-07-11
1096 浏览
好多人鍾意去Donki買野🐧無論係生果定係野食，或者日用品，但佢開既鮮選壽司口碑就每況愈下，由剛開始第一間鋪於荃灣西插旗吸引咗近百人搶先嚐新，去到而家係小西灣開到第三間分店，都已經無乜討論度🤷♂️今日lunch見到人少少就入去幫襯咗第一次🤭不過食完之後都相信係最後一次，唯一可以讚既係火炙吞拿魚好食夠油花，雪糕奶味好香濃🍦加埋醬油去吊味仲正，之後就數下佢既幾宗罪第1️⃣宗罪：店員少🙅♀️中午11點半去到，一個職員負責哂入位、收銀、收外賣單同埋樓面，咁做好易塞人龍同埋店員都辛苦🥲每檯都要幫手加茶，呢度佢提供既綠茶係用茶葉入壺，如果要加就一定要舉手揾店員，唔太方便🙃第2️⃣宗罪：選擇少🙅♀️本身菜單上有既壽司同同類餐廳比已經無乜優勝之處，仲要一開門就已經有十幾廿樣野sold out👋連主打既和牛壽司都係全部都冇，跟住一品料理類都極少，真係揀咗幾樣已經揀唔落手第3️⃣宗罪：上菜慢🙅♀️第一輪落單後20分鐘左右先黎第一款，當時店內只有5,6張2人檯客，而其中一樣腐皮壽司要足足30分鐘先到，呢個速度真係食得幾唔舒服，要抱住黎係飲茶嘆一盅兩件咁慢慢黎先得🧑🦳第4️⃣宗罪：質素參差🙅♀️作為日本過江龍，壽司質素真係
今日lunch見到人少少就入去幫襯咗第一次🤭不過食完之後都相信係最後一次，唯一可以讚既係火炙吞拿魚好食夠油花，雪糕奶味好香濃🍦加埋醬油去吊味仲正，之後就數下佢既幾宗罪
第1️⃣宗罪：店員少🙅♀️
中午11點半去到，一個職員負責哂入位、收銀、收外賣單同埋樓面，咁做好易塞人龍同埋店員都辛苦🥲每檯都要幫手加茶，呢度佢提供既綠茶係用茶葉入壺，如果要加就一定要舉手揾店員，唔太方便🙃
第2️⃣宗罪：選擇少🙅♀️
本身菜單上有既壽司同同類餐廳比已經無乜優勝之處，仲要一開門就已經有十幾廿樣野sold out👋連主打既和牛壽司都係全部都冇，跟住一品料理類都極少，真係揀咗幾樣已經揀唔落手
第3️⃣宗罪：上菜慢🙅♀️
第一輪落單後20分鐘左右先黎第一款，當時店內只有5,6張2人檯客，而其中一樣腐皮壽司要足足30分鐘先到，呢個速度真係食得幾唔舒服，要抱住黎係飲茶嘆一盅兩件咁慢慢黎先得🧑🦳
第4️⃣宗罪：質素參差🙅♀️
作為日本過江龍，壽司質素真係令人失望，特別係鰻魚壽司同蟹味噌真係唔好食，得吞拿魚類算好食😉
张贴
