囍源古早蛋糕 (已結業)

出深水埗開始辦年貨，臨走見到排檔有張台仔放左幾件蛋糕，抬頭一望見到街入面就係呢間古早味蛋糕，好近地鐵站A2出口，超方便，就被吸引左過去。佢擺出黎既Display全部係真蛋糕，見到晒流心餡同埋材料分佈係點，透明度超高。全部蛋糕都係黃金邊，黃金底，唔會燶，咁先係正宗。好多味道都好特別，店員好熱情咁介紹，多款味道既創作意念都來自不同客人，以人為本而整既蛋糕，令人留下好印象!我見好多人出出入入黎拎蛋糕，原來有D款係限量賣得好快，同埋客人可按自己喜好配搭預訂蛋糕，黎之前打黎預訂就最穩陣。我買左兩款蛋糕，真係同平時食既古早味蛋糕有唔同，超濃厚蛋香，完全冇蛋腥味，口感鬆軟而帶濕潤感，食唔晒第2日食都唔會乾身。賣相夠挺身唔會凹陷，表皮薄身不厚，食完唔黏喉，完全感受到佢既低糖少油。而我買既檸檬柚子味($70)，味道更加清新，唔會有酸既感覺反而有陣陣幽香，仲有柚子肉。栗子味($75)呢款既栗子蓉係佢地自己打磨，完全唔油膩，全層滿既栗子蓉，味道濃郁，而且買蛋糕仲送人氣薯片。個盒都好精緻，有晒呢間店舖蛋糕既特色!所有古早味蛋糕都係用低溫慢火烘烤而成，慢工出細貨，低糖少油更係健康之選!店員仲話可以多D留意佢地既