影片
更多
2017-09-16
423 浏览
話說與朋友晚上黎呢間食廳食飯，我地提前兩個星期用電話預約，book左晚上7點半食飯，但當日到左餐廳門口職員話要等一等，一等就等左15分鐘，我地再問的時候職員先話原來差一張細枱，要等埋個張細枱先合到一張大枱叫我地等5分鐘，結果再等左10分鐘先入到去..... 最令人失望同憤怒都唔係以上的問題，因為後面有更加恐怖的事！！！(**如覺得篇幅太長，可直接跳到最後的總結)我地一大班人坐低後叫左12個餸 (包括前菜、小菜同湯)，一開初好正常上茶杯同茶葉包，跟住等左至少三個字都未見有任何野上菜於是問侍應，追問後再等左10分鐘先上一碟黃金鍋巴 (只係普通炒上蛋黃鍋巴)，但之後又停左無上菜，再追問至少兩次後，先慢慢開始上雲吞雞湯 、小籠包x2、銀絲卷同炒飯，但上炒飯後又等左幾個字未見上菜，開初以為廚房慢都繼續等，但居然雞絲粉皮咁簡單的菜，食完炒飯都未出現過！？於是再追問侍應，侍應睇機話我地只落左6個餸？！！ 明明落左12個餸，居然有一半的餸無落過單 (包括雞絲粉皮同5個小菜)！！！！ 明明落單的時候侍應仲好正常咁寫低野，完全唔覺得有咩異常情況，直至食完6個餸都未有上菜先發現呢件事！！！ 我地即刻叫個著
(**如覺得篇幅太長，可直接跳到最後的總結)
我地一大班人坐低後叫左12個餸 (包括前菜、小菜同湯)，一開初好正常上茶杯同茶葉包，跟住等左至少三個字都未見有任何野上菜於是問侍應，追問後再等左10分鐘先上一碟黃金鍋巴 (只係普通炒上蛋黃鍋巴)，但之後又停左無上菜，再追問至少兩次後，先慢慢開始上雲吞雞湯 、小籠包x2、銀絲卷同炒飯，但上炒飯後又等左幾個字未見上菜，開初以為廚房慢都繼續等，但居然雞絲粉皮咁簡單的菜，食完炒飯都未出現過！？
於是再追問侍應，侍應睇機話我地只落左6個餸？！！ 明明落左12個餸，居然有一半的餸無落過單 (包括雞絲粉皮同5個小菜)！！！！ 明明落單的時候侍應仲好正常咁寫低野，完全唔覺得有咩異常情況，直至食完6個餸都未有上菜先發現呢件事！！！ 我地即刻叫個著黑衫疑似高級職員黎再落過單，再等左幾個字後終於慢慢地上埋個6個餸，點知有其中一個都係落錯單黎左其他野！ 個疑似高級職員笑笑口話sorry落左number，之後先再上番正確的小菜…… (其間發現樓面的侍應們連邊碟餸係邊張枱都唔知，行到去見枱面無野就行去放底，到人地有反應話送錯又再攞去第二枱！！)
好啦，到我地食完晒野想再叫一碟清湯時菜，真係一個好簡單的“清湯時菜”！ 居然等左兩三個字都無出現過，我唔知佢個清湯係咪要即時淆製定點樣，至少叫個菜都唔應該等咁耐，到我哋追問侍應的時候，佢話要等多陣又等左兩個字，幾咁辛苦先有一碟菜出現！！佢地到底係咪要人地提一次先行入廚房叫人煮定點樣！！ 好啦，到上生日蛋糕的時候，叫侍應拎個蛋糕上黎，拎蛋糕咁簡單動作都等左幾個字，跟住先行埋黎問我地係邊間餅店的蛋糕！！ (即係入面混亂到連邊張枱邊個蛋糕都分唔到) 全晚全晚最令人驚訝的事，就係$60切餅費贈送的一個拔絲香蕉與明顯雪到結冰的雙雪糕球，呢個可以話係成晚最快最快上的菜色，最簡單的清湯菜、雞絲粉皮、皮蛋豆腐、炒雜菌、津白，居然係無一樣係快過呢個拔絲香蕉！！！
到最後埋單的時候，我地已經專登搵番d疑似高級職員埋單，張單到手檢查的時候發現張單完全唔係我地張枱，居然可以連張單都拎錯黎！！！！！！ 已經唔可以用失望咁簡單黎影容，完全係『恐怖』無辦法想像一間餐廳可以衰到咁樣，真係從未見過衰到好似搵一班未做過餐飲的替工黎返工一樣，店內的侍應上菜前都會左望右望，好唔肯定咁放低碟餸，甚至唔理啱唔啱快速行開，至少我地呢枱都黎錯兩次野。
總結：
明明book左位要等成5個字先有枱，叫左野食有一半原來無落到單，就算落到單個d都等成半個鐘以上慢慢上，後尾再落過單又落錯單，成日拎錯隔離枱的餸過黎，甚至最後埋單連張單都拎錯單黎！！先唔講佢d餸菜係幾咁普通幾咁花時間製作，淨係等枱問題、嚴重漏單、落錯單，甚至埋單拎錯單，根本無可能同一時間發生！！我同朋友係絕對絕對絕對唔會再食呢間餐廳！！！！！
张贴
