嵐橋丼飯專門店 (已結業)

前日喺尖沙咀訂左啲野去攞番 跟住就順勢喺個邊食埋晚飯先返 竟然俾我地搵到呢間好有質素嘅丼飯😍呢間餐廳喺棉登徑個到 附近都有好多其他唔同嘅食肆 但睇落呢間好似性價比最高 所以就入去試下🙈餐廳雖然唔大 但裝修都好日式 環境幾舒服入到去就即刻睇吓食咩先😏店員就推介左一個時令丼飯 都好似幾吸引 之後我哋再揀多另一個！首先嚟嘅係佢哋推介嘅季節丼飯(獅魚)跟飯仲有個麵豉湯餸添🙈•季節丼飯-獅魚🐟•-呢個飯嘅份量相當足料！而且除咗獅魚之外仲有三文魚 帶子同甜蝦等等嘅剌身 配料超豐富阿！而且佢哋嘅刺身都相當新鮮 完全冇雪藏味 海膽亦都真係好鮮甜!!!令人食唔停口😭🤤而時令嘅獅魚亦都好似佢哋推介咁 非常新鮮 佢嘅味道唔算好濃郁 但係肉質就超級彈牙 淡淡的魚香味 一直係個口腔到🥰•海之幸丼🌊💙•-睇個名係咪好幸福嘅感覺呢 但食呢個當飯又真係幾幸福嘅 因為入邊嘅材料都超級豐富 一共有五六種刺身包括油甘魚 松葉蟹肉 魚子 牡丹蝦 中身同大Toro！😍😍牡丹蝦都相當鮮甜彈牙！係味蕾嘅一大享受😍而主角當然係大Toro啦！呢個Toro嘅油脂多 但分布好平均 真係有咬落去入口即溶嘅感覺🥰之後我哋口痕每人叫咗一串串燒🙈