荳子 (海壩街) (已結業)

由於咁岩黎荃灣工作，收工後近近地黎到呢間荳子食個甜品。點左一個Cozy Combo set dessert唸住同一位友人share食，另外點左杯fruit tea。杯野飲好快黎到，係紫藍色既，微微打開杯蓋會有一d煙噴出黎，唔係特別好食但幾特別既感覺。等左一陣終於都上甜品，一黎到就見到湧出大量乾冰既煙霧，擺設上都十分美觀。分別有一個配上雜果既宇治抹茶紅豆布丁、石頭外形既芝麻味慕司同兩個迷你既草莓醬吉士小盆栽。我就最鐘意個芝麻味慕司，除左外表有趣吸引外，慕司入面仲有一d柚子味既cream，令到食落既整體口感好清新。