Twinkle Baker Decor (已搬遷) 新店位置

踏入十二月，週邊開始充滿濃厚嘅節日氣氛，由於今年疫症關係，我地都應該唔會外出慶祝，或者參加啲咩大型慶祝活動。之前都有訂過Twinkle Baker嘅cupcake，又靚又好味！最近留意到佢地已經出咗聖誕系列蛋糕，12月16日前訂仲有9折早鳥優惠！於是就提早訂定呢個願望樹蛋糕，同朋友們一齊預先喺屋企開個小型Christmas Party，慶祝一下。🎄願望樹玻璃球聖誕樹造型好夢幻好精美呀！影相打咭一流！朋友們都輪流自拍📸大受歡迎呀！頂層聖誕樹係由綠茶曲奇砌成，仲有願望星星同其他小裝飾❄️靚到唔捨得食😍樹紋蛋糕上鋪滿一層白雪，好有聖誕氣氛！樹紋蛋糕由72%朱古力慕絲蛋糕同朱古力牛油蛋糕組成，朱古力非常香濃軟滑，但唔會過甜，蛋糕鬆軟綿綿，好有彈性。而蛋糕入面分別有焦糖軟心，鮮香蕉肉同軟朱古力榛子脆莎，底下就有一圈綠茶金寶碎圍邊。焦糖軟心甜甜地帶點焦香，香蕉肉香甜軟糯，配埋軟朱古力榛子脆莎，口感豐富，層次分明。