緣聚鮮鍋 (已結業)

因全港放假，所以跟女朋友出去荃灣搵野食，經過大鴻輝見到有人派宣傳單張，就攞張睇睇，見到竟然是分男女單日半價，我跟我女朋友剛好是一個原價一個正價，平得恐怖，因我地上到去已經2點，佢地就3點要離場，咁所以我地選最平既套餐$68，講真依個價錢都唔會好有期望啲嘢食喺邊樣，志在食飽，誰知道食物質素都唔錯，並且幾多款式，熟食都有好多，我影唔曬，其中滷水雞翼好味，至於旁邊個個蒸雞就麻麻，壽司係$68不能攞的，但見款式都幾多，都幾好睇，仲有碗仔翅同牛肉濃湯，翅就麻麻，牛肉湯唔錯，至於火鍋方面無伏，正常，仲有幾多款式選擇，唔錯，總結：荃灣真係美食天堂。