影片
更多
2018-08-15
128 浏览
暑期帶隻嘩鬼去飲茶，大個仔了，交俾佢剔嘢食，都預咗佢唔係剔甜品就係香口嘢。第一樣當然係 啦，上次帶佢去台灣旅行，佢食到上咗癮，幾乎晚晚都有食，無他嘅，因為佢好鍾意食蛋 (考試除外)。煎得熱辣辣好香，蚵仔亦鮮甜。細細碗，是專為佢而設。肉燥出奇地唔油膩，而且都幾肉味濃。炸得香脆鬆化。蝦肉都多。加咗果皮所以多咗陣果皮香，與此同時，又加咗馬蹄，所以食落又爽口。平時佢就扎扎跳，一遇到陌生人就擰轉面。侍應哥哥分豆腐花之餘聊下佢，佢就怕晒醜。人哋一走開，佢咪一樣擒擒六加糖搶住食~ 不過，佢都幾識貨幾中肯，識讚啲豆腐花好香好滑溜。都無為意佢剔咗呢樣，佢話上次在台灣食過甜蓄薯喎，所以想再食。我覺得夠腍，但太甜囉，佢就話超正好味。飲完茶，隻嘩鬼嚷著要去玩，無佢收!
第一樣當然係 [蚵仔煎] 啦，上次帶佢去台灣旅行，佢食到上咗癮，幾乎晚晚都有食，無他嘅，因為佢好鍾意食蛋 (考試除外)。
煎得熱辣辣好香，蚵仔亦鮮甜。
[台式擔仔麵]
細細碗，是專為佢而設。肉燥出奇地唔油膩，而且都幾肉味濃。[黃金蒜香春卷]
炸得香脆鬆化。蝦肉都多。
[新會陳皮牛肉球]
加咗果皮所以多咗陣果皮香，與此同時，又加咗馬蹄，所以食落又爽口。[即撞木桶豆腐花]
平時佢就扎扎跳，一遇到陌生人就擰轉面。侍應哥哥分豆腐花之餘聊下佢，佢就怕晒醜。人哋一走開，佢咪一樣擒擒六加糖搶住食~ 不過，佢都幾識貨幾中肯，識讚啲豆腐花好香好滑溜。
[秘制甜蓄薯]
都無為意佢剔咗呢樣，佢話上次在台灣食過甜蓄薯喎，所以想再食。我覺得夠腍，但太甜囉，佢就話超正好味。飲完茶，隻嘩鬼嚷著要去玩，無佢收!
张贴
