NINETYs Roastery

营业中

休息中

本身諗住有半價優惠，就book咗夜晚去食佢嘅黑夜menu. 叫咗個帶子 Ceviche做頭盤，另外再加一份黑毛豬，同埋雞。首先呢，個帶子食落去冇應有嘅爽口感覺，唔知係切得太厚定係點樣，總之成件事就好煙銀。又唔知點解落咗好多油令到成個ceviche 有油淋淋嘅感覺。然後個黑毛豬嘅豬皮，好似橡筋咁韌，肉又鞋，份嘢嘅portion細到就算係比半價 $168都覺得rip off 啦。最離譜嘅係個雞，佢個雞俾肉都可以做到咁鞋，成件事就好似食緊擦子膠咁。另外唔知點解間嘢有好多嘢都係冇嘅，Salmon冇，連佢哋個signature咖啡Ninety Plus Selection都可以冇。但係嘢飲同甜品就真係OK嘅，建議大家如果想來呢度食dinner 嘅話就唔好啦，就算係半價不了，就算係2019 master chef recommendation 都不了。不過嚟飲嘢或者食甜品都可以考慮嘅。