White Button Cafe & Dessert (已結業)

第3次嚟呢度食，之前都覺得呢度食物質素幾好，而且座位都寬，好啱幾個女仔一齊坐吓傾計打卡。今次再嚟，枱凳同裝修都唔同咗，成間粉紅色，好有少女心；仲好貼心提借埋自拍神器/腳架，俾人影相。反而食物就有少少失望😢😢😢食物上碟嘅時候唔夠熱🙈明太子意粉比較乾身，冇乜汁，有啲硬🍝English Breakfast 都仲算keep到水準，炒蛋好滑，麵包同薯餅都好脆😋但整體唔算特別好食🙈飲品就叫咗兩杯奶蓋茶，茶味比較清淡，味道一般。奶蓋好滑，但就算叫咗少甜都仲好甜🙈🙈🙈最後試埋之前好鍾意食嘅梳乎厘pancake🥞非常失望☹️雖然蛋味十足，但冇咗以前鬆軟嘅口感，變到好似普通雞蛋糕咁，好實好乾🙈🙈🙈