影片
更多
2023-12-29
998 浏览
食物味道、质素、摆盘确系唔错，嘢系好食嘅，但整体成餐饭嘅体验好差，直头觉得浪费咗厨师嘅心机同厨艺，唔会再去。食咁多间中菜，无论贵定平都会有一两碟餐前小吃，我地一班人到齐即时点菜，直至第一样嘢上枱大概15–20分钟，觉得就系争咁d小吃𡁻吓。第一样上菜系烟薰乳鸽，未够5分钟大家都未食完已经上第二样花胶燕窝乌鸡汤。绝对唔系食得慢/挂住倾计，只系只鸽上枱时系热㷫㷫真系要少少时间但都正常速度，食完只鸽再饮个汤已经差唔多冻晒只系微暖，好失望因为汤应该要热先好饮，绝对影响咗个美味程度。然后大家岩岩先开始饮汤，佢就已经上第三样花胶鹅掌…. 虽然个汤唔热但饮都要时间，当饮完个汤再食个花胶又系已经冻晒！令到碟嘢系有d腥….完全唔明点解要上得咁快，摆到成台都系嘢，依家我唔系街坊酒楼食饭，系喺间较高级嘅中菜厅…食转鹅掌佢就收碟同派返干净碟，但其中两只碟系污糟要换，有食物残渣痴住！之后再上菜，先上咗一样，咁我地话放去另一边因为想老人家食先，侍应答话仲有嘢黎紧架然后就冇然后。以为系即刻有第二样第三样会上所以佢先ignore我地要求，但其实等咗起码5分钟以上先上第二样….. 中间食到一个蛏子莴笋面，叫服务员攞干净碗
食咁多间中菜，无论贵定平都会有一两碟餐前小吃，我地一班人到齐即时点菜，直至第一样嘢上枱大概15–20分钟，觉得就系争咁d小吃𡁻吓。
第一样上菜系烟薰乳鸽，未够5分钟大家都未食完已经上第二样花胶燕窝乌鸡汤。绝对唔系食得慢/挂住倾计，只系只鸽上枱时系热㷫㷫真系要少少时间但都正常速度，食完只鸽再饮个汤已经差唔多冻晒只系微暖，好失望因为汤应该要热先好饮，绝对影响咗个美味程度。然后大家岩岩先开始饮汤，佢就已经上第三样花胶鹅掌…. 虽然个汤唔热但饮都要时间，当饮完个汤再食个花胶又系已经冻晒！令到碟嘢系有d腥….完全唔明点解要上得咁快，摆到成台都系嘢，依家我唔系街坊酒楼食饭，系喺间较高级嘅中菜厅…
食转鹅掌佢就收碟同派返干净碟，但其中两只碟系污糟要换，有食物残渣痴住！之后再上菜，先上咗一样，咁我地话放去另一边因为想老人家食先，侍应答话仲有嘢黎紧架然后就冇然后。以为系即刻有第二样第三样会上所以佢先ignore我地要求，但其实等咗起码5分钟以上先上第二样…..
中间食到一个蛏子莴笋面，叫服务员攞干净碗比我地，我地9个人佢攞得7只碗黎，其中一只又系污糟…同佢讲完佢竟然系直接收走但冇攞再攞返黎！？
最尾黎个泡饭，又系叫侍应比干净碗比我地（其实我觉得收得呢d价钱，呢啲咁基本嘅嘢唔应该要客提出啦，本身食紧个只碗有其他𩠌嘅酱汁，都唔同味，有d common sense都识要比干净碗），佢攞黎之后摊开晒d碗以为会帮我哋分啦，点知佢摆低就走咗…. 再睇到其中一只碗又系污糟！就算唔污糟个d都有水渍，根本成餐饭都好似食得唔安心咁，次次都有唔干净嘅碗碟。
唔系第一次食，但一定系最后一次。
张贴