八月 (已結業)

「八月」系列係美心旗下既一個中菜品牌，有別於一般既中式茶樓，因為「八月」係主打中高市場，講求品牌既地方。因為托朋友既福，用員工優惠享用佐呢一餐甜品。好耐之前已經知道「八月」最有名氣既 - 101鮮果拿破崙，用料足，但都只需要hk$78，去邊度搵呀!今夜只係品味甜品既時候，沒有多叫其他既食物。因為怕吃完個101鮮果拿破崙會好口干，所以都沖佐壺 – 一見鐘情。「一見鐘情」一個小壺中盛放了一朵小花，愈係沖得多次，花就開得更美。味道甘香清甜，十分容易入口。一壺茶，唔單之係解口干，更係一個藝術品。望住「一見鐘情」，我真係會一見鐘情啦。「101鮮果拿破崙」主角黎啦! 一上台，就真係手機先食，幾個女仔，影相都超過15分鐘。拿破崙冇咩香味，所以唔可以聞到佢既味道。其實咁高一個甜品，又真係令人唔知係邊度吃先。我地決定一層一層咁吃啦，點知都係失敗，最後就係鐘意吃邊就吃邊啦!每一層都有唔同既水果，唔知道係唔係因為小妹吃得遲，所以冇咩水果，感覺又唔係好實在。蘇皮真係好脆好鬆，但可能因為咁，一口咬落只有油而冇蘇皮。賀係唔可以算得上係一個甜品，反而似餅干。