18 Grams (已搬遷) 新店位置

一句講哂真係好嘈，六點去到唔駛等位，即刻可以坐低，個唔係好迫，但啱啱好可以食到隔離位嘅野食。叫左個Aussie Breakfast同Egg Benedict，質素唔係好差，不過以呢個價其他地方就好食得多。個Aussie breakfast既各樣野都唔錯，都係有腸、煙肉、蛋、番茄同包咁，都叫食得過。但個egg Benedict就唔多掂，蛋太過熟，無流出黎，三文魚都勁cheap，無味，完全唔建議食。食物一般都係其次，最難頂係對面有間唔知咩牛煱，長期有一大班人係度排隊，鬼殺咁嘈，嘈到好似係大排檔食緊火腩飯咁，好難頂，咩野都食唔落，所以呢間野完全唔值得食，貼錢買難受。