鴻星中菜 (形點) (已結業)

今日同咗阿媽到附近嘅茶樓嘆茶， 一嘆就嘆咗二個鐘， 飲茶嘅好處就係可以舒舒服服咁食，嘆番一兩個鐘都無人催你！ 我推介食牛肉煲仔飯， 牛肉好味，加上馬蹄， 又滑又爽囗。 叫咗碗雞米粉，份量都唔算少，雞肉好嫩，又有鮮雞味，好味！ 蝦餃都唔錯， 皮薄餡靚， 蝦又爽又鮮甜， 最少可以叫兩隻， 真好！好好味嘅《 大閘蟹粉小籠包》， 皮薄餡靚， 一口咬落去後有好多汁湧出嚟， 皮薄而有韌性，蟹粉加上豬肉做餡料， 鮮味無比， 雖然要$35 一隻， 但用料豐富， 做得不錯， 真係值得一試嘅！叫個甜點先， 紅棗糕口感煙韌， 味道適中， 唔太甜。