明乾小館 (裝修中)

我好鐘意食點心，今日去左厚褔街～明乾小館～呢間新店試試。去到兩點下午茶套餐開始，$48有4件唔同款既點心，新張期間套餐仲有九折。我地叫左個下午茶之外，仲叫左其他點心。呢度啲點心新派又創新，同埋全部都係係全手工。黑蒜燒賣，黑色外皮，蒜香味配上豬肉同蝦肉，上面有帶子蟹籽，口感豐富又高貴。彩虹蝦餃，薄薄既彩虹色外皮，好吸晴，鮮蝦新鮮。黑金流沙包，每次食點心都會必點，流沙奶黃好香濃。火焰黑椒牛肉生煎包，黑椒洋蔥牛肉好惹味，用迷利鑊上，熱辣辣。梅菜黑豚肉叉燒腸，咁既配搭既腸粉第一次食，幾驚喜。黑松露小籠包，一咬爆汁，鍾意黑松露嘅朋友必點。鮑魚酥，好精緻。蝦多士，彈牙既蝦加上超脆既多士，好正。隔離枱見咁正都跟我地點。🤭呢度啲茶都好特色，我左桂花烏龍， 幽幽嘅桂花香，坐耐啲慢慢嘆。