春陽茶事 (樂道)

营业中

休息中

今晚途經尖沙咀樂道，見到一間叫春陽茶事店舖，有我最鍾意嘅桂花烏龍茶，大大杯$30 我鍾意微甜嘅烏龍茶，叫咗小糖，佢話係桂花蜜烏龍茶。啜一啖就覺得烏龍茶嘅味道好出，淡淡嘅桂花味小小嘅蜜味，冰冰涼涼非常解渴，十分滿意，尤其是烏龍茶嘅味道，齒頰留香，係正宗嘅台灣烏龍茶。 朋友極之喜愛仙草鮮奶茶，大大杯$35 ，夠兩個人飲。仙草滑捋捋，加上淡淡嘅奶味微甜，認真唔錯，解渴超爽，好有台灣風味。春陽茶事隔離上一樓原來係牛品台式火鍋，如果食牛品晚市的牛御品套餐，會送春陽茶事嘅茶，火鍋嘅價錢食兩個鐘頭都係三百幾，又送茶，都好想去試吓。