嘆炭燒 (新文華中心) (已結業)

晚上唔打算食太多，諗住搵下小食，係海旁個邊行完街睇完夜景，見到有個串燒店好似都幾好咁，所以就試下佢。相一金菇花甲粉花甲新鮮無沙，濃濃蒜香味！花甲數量都多，小小辣好開胃！推薦😋蒜蓉娃娃菜濃郁既蒜蓉，好鐘意食蒜蓉呢個岩晒我口味，仲加左少少辣椒🌶️去煮夠野味！而且娃娃菜夠淋好食👍🏽香烤翠玉瓜唔會好乾身，好juicy！而且味道啱啱好幾清甜燒雞翼雞翼顏色燒到好吸引，皮脆內軟，有孜然粉香味。燒五花腩肉類調味偏重，燒到金黃色勁脆，又香口，我個朋友係咁話正，平時唔多食豬既我都被吸引左。牛肉串吾會un ，偏向重口味風格，有孜然香同辣粉。豬肉串正常發揮，都係有孜然香同辣粉。