影片
更多
2024-07-13
100 浏览
原來我都好耐冇食過泰國嘢！老婆大人同啲朋友知道太子開咗間新嘅泰國菜，我哋呢班為食鬼梗係即刻約日去嘆啦。呢間新餐廳開喺太子花園街叫做泰聚，成間餐廳用落地玻璃好通透而且樓底好高，地方仲幾闊落坐得好舒服。入面啲裝修用咗綠色同啡色睇得隻眼好舒服，唔會放好多裝飾品清清地幾唔錯。大家坐低例牌梗係嗌嘢飲先！我一睇餐牌就已經果斷揀咗原個西瓜沙冰，之前啲市集好興買呢個原個打出嚟嘅西瓜沙冰一直都冇機會試！估唔到竟然嚟到泰國菜館飲到正呀，香甜嘅西瓜汁加上冰涼嘅沙冰合奏，喺呢個咁熱嘅天時飲落去真係透心涼爽呀喂。菠蘿沙冰係佢嘅「飛佛」老婆大人當然同我一樣唔使揀！我試咗一啖菠蘿味真係香到不得了，肯定冇添加其他嘢好純粹嘅味道。天氣實在太熱飲完沙冰都唔係幾夠喉！同老友整返支大啤嘆吓食泰菜咁就最爽啦。呢晚我哋人多預訂咗呢個生蝦塔！呢個塔足足有32隻生蝦喺入面又打卡又好味，不過係要預訂嘅而且仲可以依照你想要嘅數目。生蝦好新鮮食落去有甜味，呢度仲會跟兩款唔同嘅汁，一個係橙色嘅香辣汁另一個就係有薄荷味嘅青汁，兩個嘅味道都唔錯如果鍾意薄荷味嘅綠色嘅醬都幾特別。跟住呢一籃係小食拼盤入面有齊蝦餅、魚餅、春卷、單骨雞翼同埋雞卷！飲啤
呢間新餐廳開喺太子花園街叫做泰聚，成間餐廳用落地玻璃好通透而且樓底好高，地方仲幾闊落坐得好舒服。
入面啲裝修用咗綠色同啡色睇得隻眼好舒服，唔會放好多裝飾品清清地幾唔錯。
大家坐低例牌梗係嗌嘢飲先！我一睇餐牌就已經果斷揀咗原個西瓜沙冰，之前啲市集好興買呢個原個打出嚟嘅西瓜沙冰一直都冇機會試！估唔到竟然嚟到泰國菜館飲到正呀，香甜嘅西瓜汁加上冰涼嘅沙冰合奏，喺呢個咁熱嘅天時飲落去真係透心涼爽呀喂。
菠蘿沙冰係佢嘅「飛佛」老婆大人當然同我一樣唔使揀！我試咗一啖菠蘿味真係香到不得了，肯定冇添加其他嘢好純粹嘅味道。
天氣實在太熱飲完沙冰都唔係幾夠喉！同老友整返支大啤嘆吓食泰菜咁就最爽啦。
呢晚我哋人多預訂咗呢個生蝦塔！呢個塔足足有32隻生蝦喺入面又打卡又好味，不過係要預訂嘅而且仲可以依照你想要嘅數目。
生蝦好新鮮食落去有甜味，呢度仲會跟兩款唔同嘅汁，一個係橙色嘅香辣汁另一個就係有薄荷味嘅青汁，兩個嘅味道都唔錯如果鍾意薄荷味嘅綠色嘅醬都幾特別。
跟住呢一籃係小食拼盤入面有齊蝦餅、魚餅、春卷、單骨雞翼同埋雞卷！飲啤酒嘅我呢兜香口嘢梗係啱晒河尺啦，我就鍾意有骨落地嘅單骨雞翼，炸到好香脆而且單骨食得好方便啱晒我呢啲懶人。
呢個唔係大家以為嘅明爐魚其實佢係明爐魷魚！概念都係同魚一樣配勁香濃嘅湯汁嚟食，個湯汁酸酸香香又夠濃郁味道好醒神，魷魚好新鮮又腍又滑一啲都唔韌好正斗。
嚟到老婆大人最鍾意食嘅招牌咖喱蟹！我就幸福有佢拆俾我食仲要係蟹鉗添。
呢個咖喱食落去甜甜地唔會好辣啱晒怕辣嘅我！蟹肉好新鮮老婆大人話呢個係肉蟹，如果大家鍾意食膏蟹可以同餐廳訂㗎。
食咖喱梗係要嗌蒜蓉包啦！呢度嘅蒜蓉包焗得好香脆最重要係唔會鎅口，匹啲咖喱汁上去包度一啖咬落去成口都香噴噴。
跟住仲有食泰國菜必嗌嘅冬陰功湯！呢個湯都幾重口味好彩唔算好辣我都飲得到，最鍾意佢入面有好多新鮮嘅大頭蝦，令到個湯香辣嘅同時更加有鮮味。
呢一條姿態美妙嘅叫做香芒爆炸魚！侍應話呢條叫做羅非魚我好似第一次食咋！
條魚炸到脆卜卜仲要好鬼正咁起咗肉，怕食魚有骨嘅朋友都唔使驚啃骨，用咗好酸嘅青芒果配甜辣嘅醬，咬口香脆之餘食落去仲好醒胃。
跟手呢個菜簡直係白飯神偷！佢係原隻泰式紅燒豬手，個豬手皮滷到入晒味食落去好黏口啲肉仲好鬆化，側邊仲有啲酸菜成碟餸鬼死咁惹味真係正到核爆。
食咗咁多肉梗係要整返兩碟菜食啦！呢碟飛天通菜炒得好惹味，馬拉盞落得啱啱好唔會鹹得滯，通菜好嫩綠又爽口師傅有料到喎。
泰式炒椰菜苗味道都唔錯，不過我牙力唔夠所以都係鍾意通菜多啲。
最後梗係要食埋甜品先走人啦！呢個係三色芒果糯米飯好養眼仲煮得幾煙靭，加埋夠熟嘅芒果一齊食真係幾好味喎。
张贴
