馬泰

营业中

休息中

餐廳喺銅鑼灣鵝頸橋附近，裝修都用咗繽紛嘅顏色，同埋都坐得幾舒服唔錯。行街行到攰攰地都幾方便，可以坐式嘆個tea。Tea menu 嘅選擇都唔少，價錢大概係50幾到60幾。上枱嘅嘢食都係正常size，都幾抵食喎。泰式軟殼蟹撈檬粉呢個撈檬粉一上台就好吸引人，因為佢有原隻軟殼蟹喺面，軟殼蟹咬落脆卜卜好香口，撈夢粉仲有配上蔬菜絲等等，夠清新。泰式青咖哩飯配豬扒而呢個青咖喱都幾辣下，啱晒啲鍾意食辣嘅朋友。咖喱裏面有菇、茄子等等再加上豬扒，青咖喱都幾香椰汁味。馬泰香芒糯米飯呢個糯米飯好得意成個壽司咁，味道方面就正正常常。泰國豆奶紫米冰下午茶餐加錢有得轉特色飲品，呢個豆奶紫米冰出邊比較少見，飲落又幾夾好似甜品咁。鮮椰青鮮椰青好清甜，食辣嘢就啱曬飲。