龍城冰室

今次喺銅鑼灣做完運動，想補充下蛋白質，諗起之前食過龍城冰室早餐覺得唔錯，就試下佢下午茶啦！

呢度下午茶好多選擇，因為今晚要食晚餐，就唔食粉麵飯，嗌左份瑞士汁雞脾配薯條。🍗🍟

4

本來想試下香辣脆炸雞脾，不過侍應就提一提我要等20分鐘，而瑞士雞脾就5分鐘有得食！今次太肚餓，唯有下次再試炸脾啦！

1

瑞士雞脾夠哂入味，好食！😋 薯條跟左兩包茄汁，係茶記薯條嘅味道，夠脆口不過就要自己落鹽。奶茶就澀左喲，勉強飲左半杯就頂唔順。


呢餐一個人黎食，食左$42，雞脾係好食嘅，下次再黎銅鑼灣搵食，再黎試下其他野食啦！😉