點心到 MIX·大排檔

旺角熱巿，見依間餐廳有冷氣，又可以食小炒同點心，當然二話不說就入去！

店員推介，冰鎮咕嚕肉，真係無介紹錯！酸甜度適中，由於有冰塊墊底，令糖醋皮變得香脆，咬一啖，真係卜卜聲，而且肉好嫩！必食！

小炒王，可以試得出大廚嘅手藝，韮菜花好嫩，無渣。入面有蝦干，魷魚，肉絲，脆香芋條，每一啖都又鮮又香口，配啤酒一流啊！

話梅聖女果，小蕃茄已去皮，用話梅汁沈到入曬味，酸酸甜甜，好適合夏天嘅開胃菜，清涼消暑

豆豉鯪魚油麥菜，顏色翠綠，唔會太油！