影片
更多
2016-03-08
725 浏览
今日又同同事諗下食咩好，上openrice睇下頭十位既時候見到呢間火山燒，個名好特別，原來係新開既串燒店，既然未試過自己燒串燒，咁又引左我去玩下！入到餐廳，好容易被牆壁既圖案吸引住，非常有日本特色。爐上有好多大小不一既火山岩石，左邊位置可以燒蠔/蜆呢d海鮮,而店家亦提供3款醬汁：蜜糖，辣醬，燒汁。個人認為醬汁既味道可以再濃啲，或者其實燒完加鹽或胡椒會更好食。一場黎到，我地豪一豪點左個櫻之貝既海鮮拼盤。海鮮用木桶放住，賣相吸引。鮑魚入口爽口彈牙，帶子燒完都仲好juicy，但生蠔可能唔太新鮮既關係，燒完有一股腥澀味。 個人推介：<羊背肋>-羊肉本身醃有香草，燒完非常惹味，食落有羊味而唔覺有膻味<糯米雞肉棒>-呢個第一次見，將糯米燒到外層香脆既時候食口感一流，內層既糯米同雞肉香軟，呢人印象深刻<牛柳粒>-大小剛好一啖食曬，牛柳粒都食到有牛肉既味道，唔需要技巧都可以燒到外層香口內層juicy<手羽>- 雞翼大大隻！燒野食點可以無雞翼！朋友燒到雞翼金黃色，再加上鹽和七味粉調味，真心好好食！記得要燒到雞皮金黃收乾水份先食 <芝
入到餐廳，好容易被牆壁既圖案吸引住，非常有日本特色。
爐上有好多大小不一既火山岩石，左邊位置可以燒蠔/蜆呢d海鮮,而店家亦提供3款醬汁：蜜糖，辣醬，燒汁。個人認為醬汁既味道可以再濃啲，或者其實燒完加鹽或胡椒會更好食。
一場黎到，我地豪一豪點左個櫻之貝既海鮮拼盤。海鮮用木桶放住，賣相吸引。
鮑魚入口爽口彈牙，帶子燒完都仲好juicy，但生蠔可能唔太新鮮既關係，燒完有一股腥澀味。
個人推介：
<羊背肋>-羊肉本身醃有香草，燒完非常惹味，食落有羊味而唔覺有膻味
<糯米雞肉棒>-呢個第一次見，將糯米燒到外層香脆既時候食口感一流，內層既糯米同雞肉香軟，呢人印象深刻
<牛柳粒>-大小剛好一啖食曬，牛柳粒都食到有牛肉既味道，唔需要技巧都可以燒到外層香口內層juicy<手羽>- 雞翼大大隻！燒野食點可以無雞翼！朋友燒到雞翼金黃色，再加上鹽和七味粉調味，真心好好食！記得要燒到雞皮金黃收乾水份先食
<芝魚丸>-好特別！ 本來以為係打邊爐既芝士丸，之後發現原來丸既外層口感好似綿花糖咁好軟滑，仲要唔使燒好耐就食得，中間既芝士味可以再濃啲
<免治雞肉棒>-好味！ 雞肉棒比想像中有口感，除左肉之外仲食到一粒粒既軟骨類既野
價錢: $298/位 + $48/位(海鮮)
张贴
