Playa de Papagayo (已結業)

通常係尖沙咀晚餐都鍾意去Playa de Papagayo，呢度係restaurants & Bar ，有得食有得飲😋依家天氣咁熱，晚飯嗰陣時嘆杯冰凍啤酒，好爽呀！今次杯啤酒有少少蘋果味，酸酸甜甜口感好清新，我都係鍾意飲呢啲果香味重啲嘅啤酒🍻！啤酒配雞翼，完美配搭！雞翼即炸夠香脆夠肥美，而且肉質都好嫩滑，搞到我忍唔住食咗兩大隻🙈減肥中嘅我好乖叫咗沙律當主食😆呢度個燒魷魚沙律口感煙煙銀銀，配搭酸橄欖和黑醋汁，食起嚟特別開胃又唔怕肥！老公就鍾意食澱粉質，叫咗原隻琵琶蝦意大利飯，原來琵琶蝦好似龍蝦咁大隻😍賣相一流之餘仲好好食！啲飯仲用咗蝦汁一齊焗，食落特別鮮甜！而且琵琶蝦夠晒大隻肉質爽實，超級滿足！📍Playa de Papagayo地址: 尖沙咀河內道5號普基商業中心地下N3號舖