影片
更多
2017-11-03
1023 浏览
秋風起, 又點止三蛇肥呢, 就連海鮮都fat fat, 點解會咁講呢, 係因為今日係三家村食到非常新鮮同美味既海鮮今日做做下野突然心血來潮好想瘋狂食海鮮, 所以就睇吓openrice近排有無餐廳好介紹, 發現有一間叫三家村水產既餐廳,望一望menu, 覺得幾吸引, 所以就立即打電話去book位, 同朋友一行4人去試試。 當晚去到門口就比牆身用九龍皇帝嘅字跡寫字嘅牆吸引住(haha 童年回憶), 入到店内, 環境幾舒服, 非常寬敞, 全店既傢俱都係竹同木製,配合返日式佈置同壁畫, 感覺好match幾舒適, 留意到左手邊有一間大房, 相信係for一大group人開生日party or 一屋人三代同堂食飯, 而門口位置有好多生猛海鮮show比客人睇, 店員同廚師仲會講解海鮮種類同合適既煮法, 增加左唔少知識, 見到靠牆邊的大枱位置有塊大玻璃可以欣賞到海景, 好好彩店員亦安排左我地坐靠窗邊位置, 咁就可以睇住海景食晚飯, 不要去羨慕不要去妒忌我地哈哈坐低望望menu, 同朋友商量之後, 決定嗌2個前菜(麵豉伴青瓜 & 蟹肉伴蟹籽沙律), 4人份量的浜燒(礸石蚌 x 8, 蠔 x 4, 帆立貝x
今日做做下野突然心血來潮好想瘋狂食海鮮, 所以就睇吓openrice近排有無餐廳好介紹, 發現有一間叫三家村水產既餐廳,望一望menu, 覺得幾吸引, 所以就立即打電話去book位, 同朋友一行4人去試試。
當晚去到門口就比牆身用九龍皇帝嘅字跡寫字嘅牆吸引住(haha 童年回憶), 入到店内, 環境幾舒服, 非常寬敞, 全店既傢俱都係竹同木製,配合返日式佈置同壁畫, 感覺好match幾舒適, 留意到左手邊有一間大房, 相信係for一大group人開生日party or 一屋人三代同堂食飯, 而門口位置有好多生猛海鮮show比客人睇, 店員同廚師仲會講解海鮮種類同合適既煮法, 增加左唔少知識, 見到靠牆邊的大枱位置有塊大玻璃可以欣賞到海景, 好好彩店員亦安排左我地坐靠窗邊位置, 咁就可以睇住海景食晚飯, 不要去羨慕不要去妒忌我地哈哈
坐低望望menu, 同朋友商量之後, 決定嗌2個前菜(麵豉伴青瓜 & 蟹肉伴蟹籽沙律), 4人份量的浜燒(礸石蚌 x 8, 蠔 x 4, 帆立貝x4, 鮑魚 x 4, 海蝦 x 4), 同埋三文魚他他, 馬友一夜干, 海鮮粥各一客), 飲品方面就決定叫2杯特色熱飲同2杯特色凍飲, 值得一提係睇menu途中店員都好有禮貌同耐性地介紹各類由日本直送香港既不同海產，而且重點推介咗 馬友一夜干 比我地，原來呢間店每日都會精心挑選幾條靚魚, 然後限量推出一款用特別方法醃制既魚, 而且每日魚既種類都唔會相同, 咁岩當晚既精選靚魚就係馬友, 制作方面係首先以材料醃制並且在海旁風乾一晚, 烹調時以類似煎封方式去烹調, 之前都未有接觸過呢類煮法既魚, 所以令我對 馬友一夜干 十分期待
4杯特飲首先送到面前, 味道同賣相都不俗, 不過我地都係將注意力集中返係食物到啦, 一路睇下海景一路話當年(其實我地都係90後, 唔好覺得我地係uncle auntie啊), 彷彿好似回到以前中學時期放學到海邊吹海風傾心事一樣, 身心好放鬆, 而同時食物都慢慢黎到, 首先黎到既當然係前菜啦, 麵豉伴青瓜 & 蟹肉伴蟹籽沙律呢2款前菜十分開胃, 青瓜粒配上麵豉醬, 爽口之餘又有淡淡麵豉味道; 而沙律方面, 新鮮既菜加上蟹肉, 蟹籽和秘制沙律汁, 又係一個食不停口的組合, 所以不到2分鐘前菜已經比餓鬼們狂風掃落葉掃掉了
緊接而黎既係三文魚他他, 呢道菜同我想像中有少少出入, 以往食過的三文魚他他都係三文魚肉碎拌以洋蔥、胡椒、檸檬汁, 和不同香料, 而呢到的三文魚他他係厚切片上, 食落有浸浸既煙燻味, 外層輕輕燒過, 所以會保持到塊三文魚片內裏係魚生既質感, 配合埋香蔥, 黑椒同少少醬汁食用, 味道十分唔錯
之後再上既係海鮮, 一開始仲驚緊一人一隻係咪會唔夠, 但一上菜就知道原來諗多左, 一見倒D扇貝, 鮑魚, 蝦, 蠔係幾咁大隻, 食完海鮮都應該會飽飽地! 味道方面扇貝SIZE大之餘味道十分鮮甜, 而鮑魚唔係平時見倒果D, 食落去好有口感彈牙, 正!! 蠔既味道就同食生蠔差唔多, 因為店員介紹話原來店到大部分既蠔都係刺身級數, 就算唔燒都可以直接食用, 生蠔平時就食得多, 半生熟就真係第一次, 燒到微乾既生蠔, 但內里就十分多汁!
到左店員重點推介既一夜干, 一黎到心諗睇落咪又係普通煎魚, 一定會乾真真, 但一夾落去好有驚喜, 唔似平時見倒好似煎魚咁無汁又鞋, 食落去同蒸魚既肉質真係無咩分別, 滑溜之後味道因為經過醃制左一晚既關係變得咸香, 真係好好食! 個店員真係無介紹錯! 不過要特別留意一下, 因為老闆每日買既數量唔係太多, 所以要試既朋友一定要預先BOOK定, 廢事黎到先知無得食呀!
最後上黎既就係海鮮粥, 一不起身真係不得了, 鮑魚, 蠔, 蝦樣樣都有, 粥底既海鮮同岩岩燒既食落都有好大分別, 燒出黎既海鮮好野味, 而粥入面既可能係因為煮既方法類似係烚既原因, 所以食落去D料仲保持住原有既鮮甜味!
张贴
